ឃាត់ខ្លួនអធិការនគរបាល ស្រុកស្វាយអន្ទរ បន្ទាប់ពីផ្ទុះអាវុធ ស្លាប់បុរសម្នាក់
15-January-2016 | ដោយ មួយឡា
ព្រៃវែង៖ លោក ពុំ កាន់ អធិការនគរបាល ស្រុកស្វាយអន្ទរត្រូវបានចាប់ខ្លួន ក្រោយពីមានការផ្ទុះអាវុធ បណ្តាលឲ្យស្លាប់មនុស្សម្នាក់គ្រាដែលចុះបង្ក្រាប សង្វៀនជល់មាន់ មួយកន្លែង នៅភូមិតងឡង ទី៣ ឃុំព្រៃខ្លា ស្រុកស្វាយអន្ទរ ខេត្តព្រៃវែង កាលពីថ្ងៃទី១៣ ខែមករា ឆ្នាំ២០១៦។
លោកអធិការដែលឃាត់ខ្លួន ត្រូវបានយកមកឃុំខ្លួន នៅស្នងការដ្ឋាន នគរបាលខេត្តនាល្ងាចថ្ងៃទី១៤ខែ ធ្នូ ឆ្នាំ២០១៦ ដើម្បីចាត់វិធានការតាមផ្លូវច្បាប់។ ក្រោយពេលចាប់ខ្លួនបន្ទាប់ពីមានករណីនេះ កើតឡើង ពេលដែលលោក ដឹកនាំកម្លាំងចុះបង្ក្រាបល្បែងស៊ីសង ខុសច្បាប់ (មានជល់មាន់ និងបៀរអាប៉ោង) មួយកន្លែងស្ថិតនៅភូមិតងឡងទី៣ ឃុំព្រៃខ្លា ស្រុកស្វាយអន្ទរ ខេត្តព្រៃវែង។
ពេលនោះស្រាប់តែ លោកដកកាំភ្លើងខ្លី ពីចង្កេះបាញ់ឡើងលើ ប៉ុន្តែមិនដឹងយ៉ាងម៉េចស្រាប់តែគ្រាប់កាំភ្លើងនោះ ហោះផ្លាតទៅត្រូវ បុរសម្នាក់ ដែលកំពុងឈរបីកូនបណ្តាលឱ្យដួលស្លាប់មួយរំពេចតែម្តង។ ជនរងគ្រោះមានឈ្មោះ កិះ អ៊ីម អាយុ៣៧ឆ្នាំ ស្នាក់នៅភូមិឃុំ កើតហេតុខាងលើ បានស្លាប់ដោយការផ្ទុះអាវុធបាញ់ផ្ទាល់ដៃពីសំណាក់ លោកវរសេនីយ៍ ពុំ កាន់ អធិការនគរបាលស្រុកស្វាយអន្ទរខេត្តព្រៃវែង៕ ដោយ មែន កំសត់
ចំនួនអ្នកទស្សនា
- ថ្ងៃនេះ361
- ម្សិលមិញ15191
- សប្តាហ៍នេះ43511
- ខែនេះ65391
- ឆ្នាំនេះ65391
- សរុប20507847